‘A quinta edizion’ ra “Pasta Run”

‘Na corza ca me sempe piaciuta assaje è cchesta cca: ‘a “Pasta Run”. Pure chist’anno ‘nce aggia venut’, mò ca l’ASD Oplonti Trecase Run ha organizzat’ ‘a quinta edizion’, chiammat’ pure “Memorial Luigi Raiola”, e po’ intitolat’ “Trofeo Corri al Tramonto”, pecché si part’ ‘e sseje ‘a sera, ra Villa Comunale ‘e Torre Annunziata. Chesta corza è sempre piaciut’, nun surtanto a mme: ogni anno, song cchiù ‘e mille ‘e partecipanti. E pe forza! ‘Nce sta ‘o mare, ‘o spazio ra Villa Comunale, nu parcheggio ruoss’ vicin’ ‘o puort’. Inzomm’, è ‘na corza ca se po’ ffà. Uno po’ purtà pure ‘a famiglia a se fà ‘na bella cammenata…

‘A jurnata, anzi, ‘a serata è stata cavur’ e assulat’, ma se puteva correre bbuon, pecché ‘a temperatur’ nun era proprje impossibile… Comunque, ‘e mille podisti partecipanti hanno faticato assaje, pe’ bije ro percorso veloce, che l’ha impost’ ‘e mantenè  ‘o pass’ costante, senza… venì meno…, osinò se perdevano paricchi sicond’. E accussì, ‘o traguardo, tutt’ ‘e podisti song arrivat’ stanc’.

Chisti ‘e podi, re mascule e de femmene:

  • Iannone Gilio, 31’25” (International Security Service)
  • Aich Youssef, 32’14” (Podistica Il Laghetto)
  • Soprano Giuseppe, 32’16” (Caivano Runners)
  • Ben Lafkir Malika, 36’25” (Runcard)
  • Ghizlane Asmae, 36’58” (Atl. Gran Sasso)
  • Janat Hanane, 37’31” (Podistica Il Laghetto)

‘A special’ classica a squadra, ha vist’ chesta situazione final’:

  • Podistica Il Laghetto, 89 atleti e 45.781 punt’
  • Caivano Runners, 73 atleti e 41.201 punt’
  • Amatori Vesuvio, 44 atleti e 22.192 punt’

Inzomma, bbella ‘a gara, bbona l’organizzazione e grand’ divertimento pe’ tutt’ quant’. Ma forse, soprattutto pe’ guagliune c’hanno currut’ attuorn ‘a Villa Comunale. Chist’ è ‘o sport ca ci piace…

‘Nce virimmo l’anno prossimo, pa’ sesta edizion’.

Questa voce è stata pubblicata in Gare. Contrassegna il permalink.

Lascia un commento