S’è curruto a San Giuseppe Vesuviano

S. Giuseppe, 13 marzo‘E primme juorn ‘e gennajo, havimmo visto ‘na gara podistica a San Giuseppe Vesuviano. Mò, rint’ ‘o suoccio periodo, facimmo ‘a stessa cosa. Allora, c’è paruto ‘e fa ‘na cosa nova, scrivenno ‘a cronaca ra corza in napulitano, speranno che pozza piacè a tutti chillo ca ‘nce leggeno.

Organizzano sta corza, doje associazioni: “Solidarietà onlus con i Giuseppini del Murialdo” e ‘o Gruppo Sportivo asd Solidarietà. ‘O slogan ra manifestazione è chillo storico, pecché ormaje so quinnic’anni ca se fa: “Più Sport, Meno Droga – Memorial Biagio Bifulco”.

L’ata vota havimmo ritto ra vocazione commerciale e culturale ra ggente e San Giuseppe; lloro song’ e sicondi in Italia pe’ faticà ‘o tessile, e song assaje annanz’ rint all’integrazione sociale, pa’ ‘a presenza e ucraini e cinesi. E ‘o sport se sposa bbuon cu chesti ccose.

Ma venimmo ‘a cronaca ra corza. ‘A matenata s’appresentava comme si vulesse chiovere, ma po’ ‘o tiempo ha mantenuto. Chiu ‘e mille ‘e podisti, ‘ncoppa a nu percorso nun troppo facile e nu poco cchiu luongo re 10 km.

‘O primmo passaggio, già se so visti e primme tre cu nu netto vantaggio ‘ncoppa a ll’ato: Barretta, Sateriale e Varrella. Chisti, hanno subbeto fatto verè comme sarebbe fernuto ‘a gara. E accussì, all’arrivo, se song appresentate spalla a spalla Sateriale e Varrella, ca hanno fatto nu sprint. Ha vinciuto Sateriale su Varrella; a tutte e due è stato rato ‘o stesso tiempo: 33’ e 54”. A pochi metri, nu sempe forte Barretta, cu 34’ e 16”.

Pure ‘a gara re femmene è stata combattuta. Sempe in testa, ‘e doje Vanacore e Amodio, se songo rata battaglia fino all’arrivo. L’ha spuntata ‘a furtissima Vanacore (40’ e 54”) sull’ottima Amodio, pe’ suli quatto siconni (40’ e 58”). Terza, l’ormaje nun chiu “prumessa” ma “certezza”, Razzano cu’ nu bellissimo tiempo (42’ e 30”).

‘A classifica a squadre, ha visto prevalè l’Amat. Marath. Frattese. Chesta, ‘a situazione:

 UOMINI

  • Sateriale Antonello  33’54”      (Amatori Podismo Benevento)
  • Varrella Gennaro     33’54”      (Inter. Security Service)
  • Barretta Antonello   34’16”      (Atl. Vis Nova)

DONNE

  • Vanacore Annamaria  40’54”    (Atl. Scafati)
  • Amodio Martina          40’58”    (Stufe di Nerone)
  • Razzano Grazia            42’30”    (Erco-Sport)

 SQUADRE

  • Marath. Frattese   punti 46.399  atleti  92
  • Amatori Vesuvio       “           185    “        69
  • Erco-Sport                 “            719    “        52

‘A gara è stata bella, l’organizzazzione ottima. Sapurito ‘o ristoro, pure che zeppule. Meglio e accussì, se moro!

Questa voce è stata pubblicata in Gare. Contrassegna il permalink.

Lascia un commento